Драматург Ж.Кулмамбетовдун «Талант жана Тагдыр» драмасы Кыргыз элинин кайталангыс сахна чебери, театр менен кинонун жылдызы, СССРдин эл артисти, улуу актриса Бакен Кыдыкеевага арналып жазылган. Драмада автор актрисанын өмүр жолун жана жашоосун өтө курчтук менен чагылдырган. Ачуу - таттуусу аралаш өксүгү күчтүү өмүрдүн акыркы жылдарын, чыркыраган чындыктын бетин ачып берген. Бул тагдыр ар бир чыгармачыл адамдын жашоосунда кезиге турган көрүнүш экенин тана албайбыз.