Катуу  ооруп  жаткан  эркектин  палатасына  Бейтааныш  адам  келет…  Ал таң  каларлыктай  өтүнүч   менен  келет...  Түрк драматургу Тунджер  Джюдженоглунун  пьесасынын  негизинде  жаратылган  спектакль  дал  ушундай  башталат.  Спектаклде Өлүм менен  Өмүрдүн,  Сүйүү  менен  Кумарлыктын,  Берилгендик  менен  Үмүтсүздүктүн    бүтпөгөн  улуу  талашы  тууралуу  кеп козголот. Өлүм  деген  эмне?  А  балким  бул  Тирүүлөр   үчүн  кандайдыр  бир  жөнөкөй  эле  «Лакмус  кагазы»  болуп  жүрбөсүн?   Спектаклде  театрдын  ар  кайсыл  муунуна  таандык   белгилүү  артисттер  –  Ж.  Көчөрбаева,  А. Кыйыкбаева, А.  Болорбек  уулу, Э. Тагаева, А.  Карагулов, А.  Качкынбаевдер  катышат.