Казак элинин улуу жазуучусу М.Ауезовдун “Еңлик Кебек” трагедиясы аруу махабатты чагылдырган чыгарма.  Чыгарманын өзөгүн 17-кылымда жашаган бири-бирине кас Тобукту жана Найман уруусунан чыккан, даңкы далайга жеткен Тобуктунун Кебек аттуу баатыры менен эркиндикти сүйгөн Еңлик аттуу Найман кыздын сүйүүсү, салт боюнча кудаланып, Еңликке баш кошом деп жүргөн Найман уруусунун баатыры Эсендин сүйүү трагедиясы, окуянын кейиштүү аяктаарын алдын ала сезген олуя Нышан Абыздын толгонуулары, жаатташып урушуудан өзүнө пайда издеген эки уруунун  бийлеринин зулумдугу, Еңликти бел тутуп жүргөн Жапал аттуу жетим койчунун арманы түзөт.