С.Ахмад «Күйөө бала» (комедия)  

Режиссёру – Эльвира Ибрагимова

Сүрөтчүсү – Ю.Нурматов, КР маданиятына эмгек сиңирген ишмер Музыкалаштырган – Абды Осмонов

С.Ахмаддын “Күйөө бала” пьесасы боюнча коюлган спектакль театрдын сахнасында көп жылдан бери коюлуп келе жатат. Анын бирден бир себеби спектаклдин маанай көтөргөн комедия жанрында болгондугу. Өзбек элинин менталитети, салт-санаасы жана эмгекчилдигин даңазалаган спектакль азыркы күндө да өз популярдуулугун жоготпой келет. Спектаклдин негизги өзөгү адам баласы канча бала-чакалуу болбосун баары бир жан шериги болбосо жалгыздыктын азабын тартаарын, “түтүнү бөлөктүн түйшүгү бөлөк” дегендей, ар үй-бүлөнүн өз түйшүгү бар экендигин баяндайт. Башкы каармандын карыган кезде келин-уул, кыз-күйөөгө айта албай, жалыгыздыктын запкы тарткан трагедиясы комедия жанры менен көрүүчүлөргө таасын чагылдырылат.

Ролдордо – КР эл артисттери Т.Актанов, К.Абылов, КР эмгек сиңирген артисттери Н.Турсунбаев, С.Мырсалиева, А.Сыдыгалиева, Ж.Көчөрбаева, В.Сариева, Ш.Алсеитова, Г. Кучербаева, К.Сейдалиева жана башкалар