Азыр жасалма интеллект кишинин акылынан алда озуп турган кылым. Биз бүгүн берегидей жасалма интеллект айрым адамдарды жанын кыюуга чейин жеткирип жаткан жагымсыз окуяларга күбө болуудабыз.

Көрүүчүлөрдүн көз алдында жаш кыз тирүү кишини кастарлап сүйбөй, аруу махабатын денесинде кыпындай сезими жок роботко арнап, чоң атасынын тагдырын курмандыкка чалат. Анан аягында ал сезимсиз, “өлүк” роботко караганда жанында жүргөн чоң атасынын кадыры кымбаттыгын түшүнүп, өткөн бакылуу күндөрүн сагынат, муңканып ыйлайт.