🎭 Ш. Термечиков атындагы Чүй облустук музыкалык драма жана сатира театры көрүүчүлөрдү жаңы күлкүлүү жана таасирдүү спектаклге чакырат!

“Сексендеги Сейненин 80-дискотекасы” — бул муундар ортосундагы түшүнүшүү, жашоого болгон сүйүү жана адамдык мамилелер тууралуу тамашалуу окуя. Автор Аваз Жөкөйдүн чыгармасы көрүүчүлөрдү күлдүрүп гана тим болбостон, терең ойлорго да жетелейт.

Спектаклде турмуштун кызыктуу бурулуштары, үй-бүлөлүк мамилелер жана эски менен жаңы доордун кагылышы сахна тили аркылуу өзгөчө чагылдырылат. Жандуу образдар, мыкты актердук оюн жана юмор коштолгон бул кеч сизге жагымдуу маанай тартуулайт.

🎬 Режиссёру: Данил Турусбеков
📍 Өтүүчү жери: Ш. Термечиков атындагы Чүй облустук музыкалык драма жана сатира театры